TATANGKAIN ni Rey “Boom-Boom” na mabawi ang nawalang kinang ng kanyang career sa Estados Unidos.

Ngunit hindi basta-basta ang makakaharap ni Bautista sa Nov. 22 sa katauhan ng beteranong si Heriberto Ruiz ng Mexico.

Ang Bautista-Ruiz fight ay undercard sa Ricky Hatton-Paulie Malignaggi title fight sa MGM Grand sa Las Vegas.

Itinuturing na susunod na Manny Pacquiao, nawala ang paghanga ng American fans kay Bautista nang patulugin siya ni Daniel Ponce De Leon sa first round ng kanilang World Boxing Organization super bantamweight fight noong 2007.

“This is his toughest fight since De Leon. His opponent is a veteran that has fought the best in the division,” wika ni Michael Aldeguer, president ng ALA Promotions na siyang handler ni Boom-Boom.

Naniniwala si Aldeguer na dapat manalo si Boom-Boom sa labang ito upang mapatunayan sa mundo ng boksing na isa siya sa pinakamamagaling na boksingero sa kanyang dibisyon.

Si Boom-Boom ay may 26-1 record, kasama ang 19 knockouts, habang si Ruiz ay may markang 37-7-2 (win-loss-draw), kasama ang 23 knockouts.

-000-

May dahilan si Allen Iverson kung bakit limitado lang ang kanyang mga minuto sa pre-season ng NBA.

Gusto kasi ng All-Star guard na sumabak sa lahat ng 82 laro ngayong season. Kamakailan, ipinagpalit ng Denver Nuggets si Iverson para sa Detroit Pistons para kina Chauncey Billups at Antonio McDyess.

"When guys get older, they tend to get a lot of injuries as their career comes to an end," wika ni Iverson. "I feel good about my training staff and about the way I've prepared myself to be able to play all of those games."

Hindi na bago kay Iverson ang makapaglaro sa kabuuan ng regular season. Noong 2002-03, sumabak siya sa lahat ng 82 laro ng Philadelphia 76ers at noong nakaraang season sa Nuggets.
 

Other Stories

• 5-year program for women's basketball laid down
• Saudi Arabian Kentz and Al Tuwairqi Group earn final berths in EPBL's Commissioners Cup
• Boom-Boom babawi sa US
By Fitzgerald Cecilio